Ta kontakt med lege viss testen er positiv. Legen vil då gjere ei heilskapeleg vurdering ut i frå alderen din, når du fekk førre vaksinedose - samt risikofaktorar elles, for å avgjere om det er aktuelt å behandle med medisinen Paxlovid.
Viss testen er negativ, men symptoma held fram skal du teste deg kvar dag til dag fire.
Er du i risikogruppa så bør du ha 5 sjølvtestar i beredskap heime, og du får gratis testar i resepsjonen på kommunehuset, på Åmdals Verk daglegvare eller Joker Høydalsmo.
Generelt gjeld at om du har symptom på korona eller influensa så bør du halde deg heime til du er frisk. Må du av ymse grunnar ut blant folk - til dømes i butikken, så bruk munnbind. Munnbind har god effekt når det gjeld å hindre at du smittar andre.
Du kan lesa meir om testing og behandling med medisinen Paxlovid på FHI sine sider her: Om koronatest - FHI
Oppdatert informasjon om korona her: Koronavirus - Helsenorge
